Vårt arbeid i Irak
Twitter
Facebook
Norsk Folkehjelp arbeider for eit Irak fritt for undertrykking, med respekt for ulike gruppers rettar, og der folk saman kan delta for å utvikle landets ressursar. NF etablerte sitt program i Kurdistan-regionen i Irak i 1995 på ei tid då kurdarane i Irak var truga av grov undertrykking frå regimet i Bagdad. Framleis med ei hovudvekt i den kurdiske sjølvstyrde regionen arbeider NF i dag med både utviklingsprogram og minerydding i ulike delar av Irak.
Sidan 1995 har NF drive eit program for rydding av landminer og blindgjengarar i Kurdistan-regionen. Dette programmet blei fasa ut i 2009. Frå 2010 driv Norsk Folkehjelp minerydding i Basra-området sør i Irak.
NFs utviklingsprogram i Irak støttar lokale organisasjonar for sosial og politisk endring. Styrking og støtte til lokale organisasjonar og aktivistar bidreg til sosial og politisk deltaking, for å få sentrale rettar og viktige sosiale oppgåver på agendaen til styresmaktene. Styrking av kvinners rettar, til sosial deltaking og vern mot vald, er ei viktig del av dette.
